Google Docs ofimatika zerbitzua da, Googlek sortua, eta eskaintzen ditu testu prozesadorea, kalkulu orria, aurkezpenak eta aplikazio bat galdetegiak egiteko, denak sarean eta doan. Aplikazi horiek guztiek aukera ematen dute dokumentuak sarean editatu eta partekatzeko. Berau erabiltzeko Gmail kontu bat izan behar da.
Guri interesatzen zaigu ofimatika zerbitzu hau, hain zuzen, aukera eskaintzen digulako lanak taldean egiteko, nahiz eta taldekideak elkarrengandik urrun bizi. Horregatik aukeratu dugu Google Docs Web 2.0 ikastarorako. Komeni zaizue berau ondo ikastea, aplikazio horiek erabiliko dituzue-eta, batez ere idazteakoa eta aurkezpenak egitekoa, azken aurkezpenak prestatu eta egiteko.
Google Docs in plain English
Aurrera egin aurretik, ikus dezagun bideo honetan zer aldaketa dakartzan Google Docs honek alderatuz gero orain arte erabili ditugun ofimatika aplikazioekin.
Zer egin Google Docs erabilita
1. Sortu dokumentuak, kalkulu orriak eta aurkezpenak sarean
Sortu oinarrizko dokumentuak hutsetik Zuk zeuk egin ditzakezu oinarrizko lanak, adibidez, zerrendak, taulak, zutabeak, irudiak, iradokizunak, formulak, letratipoak aldatu, etab. Doakoa da.
Igo zure artxiboak Google Docs-ek onartzen ditu artxibo formaturik erabilienak: DOC, XLS, ODT, ODS, RTF, CSV, PPT, etc. Beraz, egin aproba eta igo zure artxiboak.
Editatzea oso erraza da Klik egin barraren botoietan, eta aldaketak egingo dituzu: beltza, azpimarratua, etzana, beste letratipo bat, aldatu atzeko kolorea, etab.
2. Partekatu eta elkarlana egin denbora errealean
Aukeratu zein sar daitekeen zure dokumentuetan Behin klik eginda partekatzeko botoian, sartu zure lagunen helbide elektronikoak, dokumentua partekatu nahi duzun horiena, eta bidali gonbita bat.
Partekatu momentuan Zuk gonbidatuak berehala sartuko dira dokumentuan, zuk erabakitako funtzioak egitera: berau editatu edo ikustea
Editatu eta aurkeztu beste batzuekin batera, denbora errealean Hainbat jendek ikus dezake dokumentu bera eta bertan aldaketak egin, aldi berean. Aplikazioak aukera ematen du bertan txateatzeko, taldeak hobeto kontrola dezan nork zer aldatu behar duen. Halaber, aurkezpen bat denak batera ikustea di-da batean egiten da.
Editatu eta sartu edozein tokitatik Ez duzu ezer instalatu beharrik zure ordenagailuan: munduko edozein ordenagailutatik sar zaitezke dokumentuetan, baldin eta baduzu konexioa Internetera. Doan.
3. Gorde eta antolatu zure lana modu seguruan
Gorde zure lana modu seguruan Zure dokumentuak unean-unean gordetzen ditu Google Docs-ek, eta, behin eginda, sarean gordetzen ditu. Beraz, ez kezkatu idatzi bitartean argindarrak pot egiten badu: zure dokumentua ondo gordeta dago-eta.
Gorde eta esportatu kopiak modu errazean Nahi izanez gero, esporta ditzakezu zure dokumentuak zure ordenagailura, formatu hauetan: DOC, XLS, CSV, ODS, ODT, PDF, RTF eta HTML.
Antolatu zure dokumentuak Zure dokumentuak erraz bilatzeko, antola itzazu karpetatan. Aukeratu dokumentu bat, eta sartu zure aukerako karpetan. Hori besterik ez.
4. Kontrolatu zeinek ikus ditzakeen zure dokumentuak
Argitaratu zure lana web orri bat bezala Gura baduzu, sarean argitara dezakezu egin berri duzun dokumentua, web orri gisa. Eta horretarako ez duzu informatikarik ikasi beharrik.
Kontrolatu zeinek ikus ditzakeen zure orriak Argitaratu ahal duzu mundu guztiak ikus dezan, zuk aukeratutako gutxi batzuek, edo inork ez. Zuk aukeratzen duzu. Nahi izanez gero, argitaratutakoa di-da batean ken dezakezu saretik. Zuk aukeratzen duzu.
Argitaratu zure artikuluak zure blogean Behin artikulu bat idatzita, zure blogean argitara dezakezu.
Argitaratu zure enpresa edo erakundearen barruanGoogle Apps erabilita, are eta errazagoa da zure erakundearentzat dokumentuak partekatzea.
5. Azaldu benetako erabilerak adibide gisa
Urtean irakurritako liburuen zerrenda
Aurkezpenen testuak Transmisiorako
Mendeberri proiektua 1. mailan
Zelan erabili Google Docs
Zalantzarik baldin baduzu zelan erabili Google Docs, ikus itzazu bi pantaila-bideo hauek: